ეს ლექსები

რაღაც ცოტა აგვიგრილდა
მოდის მგონი შემოდგომა
მერე ზამთარი მოვა და
არ გინდა დილით ადგომა?

მე შემოდგომა მიყვარს სოფელში
სადაც იგრძნობა სოფლის სურნელი
სადაც ოცნების ტკბილ სამყოფელში
შენ ძველი ხალხის ნახვას სულ ელი

სადაც იღვიძებს თვალწინ წარსული
და მონატრება ხშირად გულს გიკლავს
სადაც ბაბუის ,ბებიის სული
კვლავ გეფერება და გულში გიკრავს

ღამე იყო და სიჩუმეს ხმა არღვევდა ქარის
ქარი ქმნიდა მელოდიას და ხმაური კარის
ამ საოცარ მელოდიას უმატებდა ბგერას
მგონი ვიღაც სხვაც უსმენდა ქარის ამ სიმღერას

მთვარის შუქზე თითქოს ქარი ფოთლებს აცეკვებდა
და ნაღვლიან მოგონებებს თითქოს ღამე კვებდა
მართლაც მთვარე იყო თითქოს საოცარი რამე
ადრეც ვნახე გამახსენდა , მე ასეთი ღამე

ისევ წვიმდა , იგრძნობოდა საოცარი სევდა

და ამ სევდას წვიმის ნაზი მელოდია სდევდა

და გარშემო ყველაფერი იყო რაღაც ბნელი

ჰაერში კი იყო წვიმის საამო სურნელი

შემოდგომაც მიილია და ზამთარი მოვა

და წვიმასთან ერთად ალბათ დაიწყება თოვა

და იქნება კვლავ დღეები მდუმარე და ცივი

შემდეგ ისევ გაანათებს ცისკარზე მზის სხივი

სადაც კარგი ფონია
იქმნება სიმფონია

რომ ვიყავი სოფლად
იქ საოცრად წვიმდა
დაიღვარა ოფლად
მზემ რომ ცა გაწმინდა
მოდიოდა ციდან
მზის ნათელი სხივი
კვლავ საოცრად წვიმდა
და დღე იყო ცივი

სჯობს დავიცვათ მდინარე
მთიდან გამომდინარე

გარეთ გასვლა არ მინდება
აურიეს ამინდებმა